Bu ilin martın əvvəlində qar ucqununa düşərək həlak olan, 1992-ci il təvəllüdlü hərbçi, Məmmədov Fərrux Fərman oğlu Gəncə şəhərində olan Şəhidlər xiyabanında dəfn olunub. Daşkəsən rayonunda keçirilən vida mərasimində rayon rəhbərliyi, Müdafiə Nazirliyinin əməkdaşları və ictimaiyyət nümayəndələri iştirak edib.
Qeyd edək ki, bu il martın 4-də Daşkəsən rayonu ərazisində yerləşən hərbi hissədə müddətdən artıq xidmət edən hərbi qulluqçu 1984-cü il təvəllüdlü Qazax rayon sakini Hafiz Abdullayev və 1992-ci il təvəllüdlü Daşkəsən rayon sakini Fərrux Məmmədov qar uçqununa düşərək həlak olublar.